СПОРТ МЗКЛРЕ м шулай ук башка мзклр.

Көймә батып бара. Бер пассажир капитаннан сорый:
- Җиргә еракмы соң әле?
- Биш чакрым.
- Кайсы якка таба?
- Аска.

Марсиан көндәлеге

17.12.2225
Америкалылар килде.Үзләренең супер технологияләре белән бункерны 4 сәгать эчендә ачтылар. Бөтенебезгә гамбургерлар өләштеләр. Тәмле иде. Җитмәгәннәр американнарны кыздырып ашады.

08.08.2226
Японнар килде.Үзләренең заман технологияләре ярдәмендә бункерны 2 сәгать эчендә ачтылар. Бөтенебезгә суши өләштеләр. Тәмле иде. Җитмәгәннәр японнарны кыздырып ашады.

26.10.2226
Урыслар килде. Тимер таяк һәм ниндидер “аналары”ның ярдәме белән бункерне ике минутта ачтылар. Бөтенебезгә ару гына йодрык иснәттеләр. Тәмсез иде.Тик бөтенебезгә дә җитте.

Полковник казармага килеп керә дә, борынын җыерып:

- Нинди сасы ис монда?

Дежур солдат, үрә катып:

- Иптәш полковник, сез кергәнче бернинди дә ис юк иде!

- Тол ирнең икенче хатыны булырга теләмим!

- Беренчесе булу яхшыракмы синеңчә?

Котлыйбыз! Әле генә сез безнең лотереяда миллион доллар оттыгыз! Сезнең гаилә миллион ел дәвамында ел саен бездән берәр доллар алып торачак!

Тимур һәм аның командасы коммунистларның йорт стеналарына кызыл йолдыз төшерүне хәтта фашистик оккупация елларында да дәвам иткән...

...Мин савыт-саба юа торган бик күп препаратларны сынап карадым да... ахырда өйләндем!

Официант, ачуын тыя алмыйча:
– Гражданнар, әгәр китерелгән ризык сезгә ошамый икән, нигә аның эчендә казынасыз? Аны сез казынганнан соң кем ашар дип беләсез?

Быков "С Ю" хоккейчыларына:
- Бүгеннән уенчыларга кем ничек уйный шулай түләячәкбез.
Зиновьев:
- Мин андый әз хезмәт хакына уйнарга риза түгел.

Гимаев икенче коментаторга:
- Йә , Сез Зиновьев уйнавы турында ни әйтерсез.
- Ул миңа Тукайны хәтерләтә.
- Әммә Тукай беркайчанда хоккей уйнамаган.
- Менә шуңа хәтерләтә дә...

- Рәсәй футбол җыелма такымының уйнавы турында ни әйтерсез?
- Сүгенү сүзләрен әйтмәскәме?
- Әлбәттә әйтмәскә.
- Алайса мин дәшми калам...

- Аңлыйсыңмы, Алсу, футбол караганда мин бар нәрсәне онытам.
- Мин - Ләйсән.

- Биатлон буенча соңгы ярышларда безнең бер кызыбыз бүләкләнүчеләр өчлегенә эләкте.
- Ә төгәлрәк.
- Көмеш медаль алган Алмания кызына .

- Алсу, Алмазыңның күз төбендә күгәрек.
- Әй, спортта ни генә булмый!
- Ул боксчымы?
- Юк, шахмат уйнаганда ат типте ди.

Бер балыкчы икенчесенә:
- Йә, бүген су ничек?
- Искитмәле! Балыкларның хәттә судан чыгасылары килми.

Бер жокей икенчесенә:
- Синең атың тәмәке тартамы?
- Юк. Ә нәрсә?
- Алайса синең ат абзарың яна.

Комментатор:
- Аллага шөкер, яңгыр ява башлады. Хәзер без кем мотоциклы беренче барганны белә алачакбыз.

Корреспондент бер җанатардан әңгәмә ала:
- Ничек уйлыйсыз , бүген кемнәр җиңәчәк?
- Әлбәттә безнекеләр!
- Ә кемнәр сезнкеләр?
- Кемнәр җиңә - шулар безнекеләр!

Израильның өстәл теннисы буенча җыелма такымының тренеры журналчылар алдында чыгыш ясый:
- Кичә ярты еллык тәнәфестән соң безнең такым үзенең тренировкаларын башлап җибәрде.
Залдан сорау:
- Димәк, сез ярты ел элек югалткан тубыгызны ниһаять тапкансыз?!

Ире -хатынына:
- Син миңа ничә тапкыр хыянәт иттең?
- Ике мәртәбә. Берюлы "Рубин" белән, икенче юлы - "Ак Барс" белән.

Судья очрашуны туктата һәм штраф тибүе билгели. Аның янына сакчы йөгереп килә:

– Син нәрсә, сукырмы әллә?
Судья карый, футболчының инде сары карточкасы бар, шуңа күрә ул, моны кызганып, һәм киеренкелекне йомшартырга теләп:

– Миңа ишетелде генәме, әллә берәрсе берәр сүз әйттеме?

Сакчы:

– Ә-ә, әле син шуның өстенә чукрак та мыни?!!

Стадионга керү юлында автомобилчыларга язу элеп куелган: "Сак булыгыз, җанатарларны таптатмагыз."
Матчтан соң кемдер өстәп куйган:"Футболчыларны көтеп торыгыз"

- Англиядә туган, Бразилиядә үскән, Рәсәйдә үлгән. Нәрсә ул?
- Футбол.

- Динияр, син кайда булдың?
- Футбол уйнадым.
- Кызык, синнән тир исе дә чыкмый, футболкаңда коры.
- Мин Рәсәй җыелма такымы өчен уйнадым.

- Син чирәмдә хоккей карарга яратасыңмы?
- Юк, мин диванда хоккей карарга яратам.